Tilsim by Usama Zaryab Download pdf is a beautifully written social romantic Urdu novel that captures the essence of love, emotions, and family values. Blending fictional storytelling with inspirations from real-life events and celebrated Urdu authors, this novel offers a compelling look at relationships, sacrifice, and the realities of our society.
At Ez Reader’s Choice Novels, you can find this novel available in multiple formats:
“طلسم” اسامہ ذریاب کی ایک ایسی تخلیق ہے جو اردو ڈیجیٹل ادب میں ایکشن، سسپنس اور انسانی جذبات کو ایک منفرد انداز میں یکجا کرتی ہے۔ کہانی کا آغاز ایک ہولناک حملے اور “بلیک روز” نامی دہشت کے خاتمے سے ہوتا ہے—مگر یہی انجام دراصل ایک نئے اور زیادہ خطرناک کھیل کی ابتدا ثابت ہوتا ہے۔
پانچ سال قید کاٹنے کے بعد جب شازم ارکان جیل سے باہر آتا ہے، تو اس کا استقبال اس کا وفادار دوست اسامہ کرتا ہے۔ یہ محض گولیوں اور دھماکوں کی کہانی نہیں، بلکہ ایک ایسی دوستی اور قربانی کی داستان ہے جو یونیورسٹی کے دنوں سے شروع ہو کر جیل کی سلاخوں تک پہنچتی ہے۔
“طلسم” ہمیں یہ بھی دکھاتا ہے کہ جب قانون انصاف دینے میں ناکام ہو جائے، تو انتقام کس طرح ایک خطرناک مگر مقدس جذبہ بن جاتا ہے۔
شازم ارکان (قیدی نمبر 1999)
ایک خاموش مگر مہلک جنگجو، جس نے اپنے دوست کے لیے قتل کیا اور پانچ سال قید کاٹی۔
اسامہ ذریاب
شازم کا وفادار دوست، جو ہر حال میں اس کے ساتھ کھڑا رہتا ہے اور دوبارہ خطرات کا سامنا کرنے کے لیے تیار ہے۔
طاہر (اے ایس پی)
دوست ہونے کے ساتھ ساتھ قانون کا نمائندہ، جو سائبر کرائم یونٹ میں رہتے ہوئے ڈارک ویب کے جرائم کا سراغ لگا رہا ہے۔
مسٹر بلیک (جونیئر)
“بلیک روز” کا بیٹا، جو اپنے باپ کی موت کا بدلہ لینے کے لیے انتقام کی آگ میں جل رہا ہے۔
ماہم فیروزہ
اسامہ کی منگیتر، ایک باحیا لڑکی جو ماضی کی خطرناک حقیقتوں سے بے خبر ہے۔
مومنہ ریحان
ایک بہادر صحافی، جو اپنی لاپتہ دوست کی تلاش میں خطرناک راستوں پر قدم رکھتی ہے۔
اسامہ ذریاب ایک باصلاحیت اور منفرد اسلوب رکھنے والے اردو لکھاری ہیں، جن کا تعلق لاہور سے ہے۔ ان کی سب سے بڑی طاقت ان کی شاندار منظر نگاری ہے، جس کے ذریعے وہ قاری کو کہانی کا حصہ بنا دیتے ہیں۔
“طلسم” میں انہوں نے جدید ٹیکنالوجی—جیسے سائبر کرائم اور ڈارک ویب—کو روایتی ایکشن کے ساتھ اس مہارت سے جوڑا ہے کہ کہانی حقیقت کے قریب محسوس ہوتی ہے۔ ان کے کردار جیتے جاگتے انسانوں کی طرح محسوس ہوتے ہیں، جن کے جذبات قاری کے دل پر اثر چھوڑتے ہیں۔
“ٹارگٹ لاک کر دیا گیا ہے، مسٹر بلیک!”
یہ اس گروہ کے کمانڈر کی آواز تھی جو وائرلیس پر ابھری۔ تمام کارندے گھٹنوں کے بل بیٹھ کر پوزیشن سنبھال چکے تھے اور ان کی بندوقوں کی نوکیں اسی گھر کی سمت تھیں۔ ابھی کچھ ہی لمحات بیتے تھے کہ گاڑیوں کے انجنوں کے شور نے رات کا سکون غارت کر دیا۔
جیسے ہی گاڑیوں کے شور سے ماحول کا تناؤ بڑھا، کھڑکی میں موجود سائے میں ہلچل ہوئی مگر اس سے پہلے کہ وہ کوئی جنبش کرتا، گھر پر چاروں طرف سے شعلوں کی بارش کر دی گئی۔
وہ سایہ نظروں سے اوجھل ہو گیا، شاید وہ فرش پر لیٹ گیا تھا یا پھر ان گولیوں کا رزق بن چکا تھا
جو سائلنسر لگی بندوقوں سے خاموشی سے داغی گئی تھیں۔ گولیاں چلنے کی آواز تو اتنی نہ تھی مگر جہاں وہ پیوست ہو رہی تھیں وہاں خاموشی کی کوئی پابندی نہ تھی۔
گاڑیاں رکتے ہی فائرنگ تھم گئی، جیسے سب پہلے سے ہی اس خونی کھیل کے ہر مرحلے سے واقف ہوں۔ آڈی کا پچھلا دروازہ کھلا اور ایک چھ فٹ طویل قامت شخص، سر پر ہیٹ سجائے باہر نکلا۔
اس نے ہیٹ اتار کر گاڑی کی چھت پر رکھی۔ اس کے لمبے بال، جو کسی قید سے آزاد ہوئے تھے، بکھری ہوئی حالت میں چہرے کے دونوں طرف لہرانے لگے۔
عقب سے بال اس کے کوٹ کے کالر کو چھو رہے تھے۔ اسکے کچھ سیاہ بالوں میں کچھ سرمئی بال بھی چمک رہے تھے۔ نے ایک نظر آسمان کی جانب ڈالی تو چاند کی چمک اس کی آنکھوں میں منعکس ہوئی۔
سے اترا تھا اس کے ہاتھوں میں ایک راکٹ لانچر تھما دیا۔
“اس کی جان میں اپنے ہاتھوں سے لوں گا!”
اس کے لب ہلے اور ایک وحشت ناک آواز فضا میں گونجی۔ اگلے ہی لمحے راکٹ لانچر سے ایک آگ کا گولہ نکلا اور سیدھا پہلی منزل کی کھڑکی چیرتا ہوا گھر کے اندر جا گھسا۔ ایک زوردار دھماکے نے زمین کو ہلا کر رکھ دیا۔
ایک پل کو اندھیرے نے جہنم کا روپ لے لیا اور وہ مکان زمین بوس ہونے لگا۔ اس سے پہلے کہ ملبہ ساکت ہوتا، گاڑیوں سے اترے ہوئے باقی کارندوں نے بھی وہی کیا جو ان کے لیڈر نے کیا تھا۔
ان گنت راکٹ اس گرتے ہوئے مکان کی سمت بڑھے اور وہ گھر ایک بار پھر شعلوں کی لپیٹ میں آ گیا۔ زمین دھماکوں کے تسلسل سے کانپ رہی تھی اور مکان کے ٹکڑے شعلوں میں بدل کر دور دور تک گر رہے تھے۔
جب مکان کا نام و نشان مٹ گیا، تب کہیں جا کر یہ حملہ رکا۔
“تاش کا آخری پتا بھی جل گیا۔۔۔”
وہ مڑا اور اپنی کار کی طرف بڑھا۔ چھت سے ہیٹ اٹھا کر سر پر رکھی اور ایک آخری نظر اس سلگتی ہوئی جہنم پر ڈالی۔
ان اٹھتے ہوئے شعلوں کی روشنی میں اس کا چہرہ ایک لمحے کو واضح ہوا۔ لمبی گھنی داڑھی اور مونچھیں جن میں سفیدی نمایاں تھی اور آنکھیں جو ان شعلوں کی تپش سے چمک رہی تھیں۔
“امید ہے تم اپنی جنت میں پہنچ چکے ہو گے، طلسم!”
ایک طنزیہ ہنسی اس کے لبوں پر آئی اور وہ گاڑی میں بیٹھ گیا۔ چند منٹوں میں وہ پورا ہجوم وہاں سے ایسے غائب ہوا جیسے کبھی تھا ہی نہیں۔ پانچ منٹ بعد، فضا ہیلی کاپٹروں کے شور اور سائرنوں کی آوازوں سے گونجنے لگی تھیں۔
****************
Welcome to Likhari – a soulful space where Urdu stories are not just told, but felt. If you’re someone who loves getting lost in tales of love, longing, heartbreak, and hope, our YouTube channel is made for you.
Likhari is more than just narration — it’s an experience. We bring emotional, thought-provoking, and captivating Urdu novels and afsanay to life through expressive storytelling and heart-touching voiceovers. Whether it’s a romantic episode or a story rooted in social reality, each video is created to connect with your heart.
All Novels List Link ( YouTube ) ; YouTube Novels List
اگر آپ ایک اردو لکھاری ہیں تو اپنی تحریر آج ہی ہمیں بھیجیں۔
ہماری ویب سائٹ اور سوشل میڈیا پلیٹ فارمز پر آپ کی تحریر کو نمایاں کیا جائے گا۔
Instagram: ezreaderschoice_likharichannel
TikTok ID ; likhari.magazine
Email address: readerschoicemag@gmail.com
“Several readers have asked how to download novels from our website. Here’s a simple guide to help you.” Just follow these simple steps:
That’s it! Now you can enjoy your novel anytime, anywhere.
Sabz pathar by Amna Saleem Complete novel pdf Forced Marriage Sabz pathar by Amna Saleem…
Ethen by Hayya Choudhary Complete novel pdf Ethen by Hayya Choudhary Complete novel pdf ]…
Sarab e zeest by Rukhsar Anjum Complete novel pdf Sarab e zeest by Rukhsar Anjum…
Lyari The History of Gangsters by Ali Abdullah Complete pdf — The Untold Story Behind…
Be a dark Empathby Syeda Noor-ul-ain Complete pdf Be a dark Empathby Syeda Noor-ul-ain Complete…
Mehrban by Beenish Arslan Download pdf Mehrban by Beenish Arslan Download pdf is a beautifully…