Louba Anees

“ادیشے، کیا تم پاگل ہو؟ ایک ایسے شخص کے پیچھے اپنی زندگی کیوں برباد کر رہی ہو جو تمہیں صرف اپنے مقصد کے لیے استعمال کرتا ہے؟ وہ تم سے محبت کرتا ہے، لیکن صرف اس وقت، جب اسے ضرورت ہوتی ہے۔

جب اس کا دل چاہے، وہ تم سے بات کرنے لگتا ہے، اور جب دل چاہے تمہیں نظرانداز کرنے لگتا ہے۔ محبت کبھی بھی ایسی نہیں ہوتی، یار۔ یہ کوئی چیز نہیں کہ جب موڈ اچھا ہو تو محبت ہو، ورنہ ختم۔

محبت کرنے والا تو ہر پل آپ کے ساتھ ہوتا ہے۔

اگر آپ اداس ہوں تو وہ بھی آپ کے دکھ کو محسوس کرے،جو آپ کی مسکراہٹ کو اپنی خوشی کی وجہ سمجھے، اور ہر وقت آپ کی فکر میں مبتلا رہے۔ اگر وہ خود اداس ہو تو آپ کو دیکھ کر اس کی اداسی ختم ہو جائے،اگر آپ کسی مشکل میں ہوں تو وہ بنا کسی خوف کے آپ کے ساتھ کھڑا رہے نہ کہ آپ کو بے سہارا زمانے کی ٹھوکر کھانے کے لیے چھوڑ دے۔”