Ek khawab ek umeed afsana by Momina Zahra
آپی ہم بہت پریشان ہیں مجھے آپ سے بار بار کہتے ہوئے شرمندگی ہوتی ہے لیکن آپی یقین کریں مجھ سے میرے والدین کی یہ حالت نہیں دیکھی جا رہی۔ ابو جی کی بیماری کی وجہ سے ہمارا پچھلے دو ماہ کا کرایہ ابھی دینے والا رہتا ہے۔ ابو ان دنوں کوئی کام نہیں کر پا رہے، بھائی چھوٹے ہیں، میں خود پرائیویٹ سکول میں جاب کرتی ہوں۔ گھر کا گزارہ تو جیسے تیسے مشکل سے کر رہے ہیں لیکن گھر کا کرایہ دینا آزمائش بنا ہوا ہے۔ آپ کو بتایا تھا کہ ابو جی کی رپورٹس میں دمہ بتایا ہے انھیں، کچھ دن پہلے ان کی میڈیسن بھی ایک کزن سے ادھار پیسے لے کر خریدیں ہیں۔ آپی اس گھر کا کرایہ پندرہ ہزار ہے ہم اتنا افورڈ نہیں کر سکتے ہم اور گھر ڈھونڈ رہے ہیں جس کا کرایہ کچھ کم ہو جیسے ہی ہمیں ملا ہم یہ گھر چھوڑ دیں گے لیکن تب تک اس گھر کے کرایے کا انتظام کرنا بہت ضروری ہے اب تو مالک مکان نے بھی پریشان کرنا شروع کر دیا ہے۔ آپی انھوں نے اتوار تک کا ٹائم دیا ہے ہمیں کچھ نا کچھ کرایہ لازمی دینا ہو گا۔ آپ ہمارے بارے میں بات کریں کسی سے پلیز! آپی کیا ایسا نہیں ہو سکتا کوئی ہمارا دو یا تین ماہ کا کرایہ ادا کر دے کیا آپ کسی سے اس معاملے میں بات کر سکتیں ہیں؟ میں آپ کا یہ احسان کبھی نہیں بھولوں گی ہمیشہ آپ کو اپنی دعاؤں میں یاد رکھوں گی۔
