Qalb novel by Fatima Sial
” ایسے کیو غمگین ہو رہے ہو، وہ تمہاری قسمت میں نہیں ہے ، نہ کبھی پہلے تھی نہ آج ” زونیرا نے دھیمے لہجے میں کہا ۔
” پھر وہ میرے دل میں کیوں ہے ؟” سلطان نے کہتے ہوۓ اس کی جانب دیکھا ۔ اس کی آنکھیں سرخ تھی ، ان میں نمی تھی ، زونیرا کے دل کو کچھ ہوا ۔
” سلطان تم بھول جاؤں اسے “
” تمہیں لگتا ہے میں نے کوشش نہیں کی ، میں نے کی ہے یار ، ہر لمحے ، ہر سانس کے ساتھ ، لیکن میں نہیں کر سکا ” اس کے لہجے میں بےبسی تھی ۔
” تم اللہ سے صبر مانگو ، دیکھنا تم ایک دن اسے بھول جاؤں گے اور ایک اچھی زندگی گزار رہے ہوگے “
” اللہ ؟” اس نے دہرایا ۔
” اللہ کو اگر مجھ سے پیار ہوتا تو کبھی میرے دل میں اس کی محبت نہ ڈالتا “
زونیرا نے کچھ کہنے کے لیے لب کھولے لیکن وہ کہنے لگا ۔
” اللہ تو ہر چیز پر قادر ہے نہ ؟ اسے تو اپنے ہر بندے سے محبت ہے ، پھر کیوں ؟ کیوں وہ اس طرح ہم جیسے لوگوں کے دلوں میں یک طرفہ محبت ڈال دیتا ہے ، اللہ مجھے کیو تکلیف دے رہا ہے ، کیا میں اتنا گناہ گار ہوں ؟ ” اس کی آنکھوں سے آنسوں نکل رہے تھے ۔
