Ujar gaya hai koi by Aqsa Tehreem Complete Novel

آج پھر وہ اس کے در پر آیا تھا اپنی عرضی لے کر ۔۔ ایک بار پھر سے وہ بے بس ہوئی تھی ۔۔ دونوں دل کے ہاتھوں مجبور تھے ۔۔ ایک کو دوسرا چاہیئے تھا تو دوسرے کو تیسرا چائیے تھا ۔۔ محبت تینوں کے گرد گھومتی انہیں خوار کر رہی تھی ۔۔ مگر کسی کا مقدر نہیں ٹھہر رہی تھی ۔۔

آپ کیوں روز مجھے بے بس کرنے آ جاتے ہیں عارض ! کیا میں انسان نہیں لگتی آپکو ! کیا میں احساس و جذبات سے عاری ہوں ! ۔۔ وہ تھک ہار کے دکھ سے بولی تھی ۔۔ اس کی نگاہیں جھک گئیں ۔۔ کیا کرتا وہ ۔۔ دل کے ہاتھوں مجبور تھا ۔۔ پر تھی تو وہ بھی مگر اس طرح وہ اس کو بے بس تو نہیں کرتی تھی ۔۔ جس طرح وہ اس کو آخری مقام پے لے آیا تھا ۔۔

حیا تیمور میں مجبور ہوں دل کے ہاتھوں ۔۔ تمھارے سوا کوئی نہیں جو مجھے میری محبت دلا سکے ۔۔ وہ سچائی سے بولتا اس کو دنیا کا سب سے ظالم انسان لگا تھا ۔۔ جو اس کی ذات کو روند کر کسی اور کی ذات کو سر کا تاج بنانا چاہتا تھا ۔۔