Wahshi novel by Mah Bint e Sajjad

“راہی بیٹا آپ یہاں ہو میں کب سے آپ کو ڈھونڈ رہی ہوں”

آمنہ بیگم کی آواز پر وہ مڑا سفید رنگ کے شلوار قمیض پر بھورے رنگ کی شال دونوں کندھوں پر ڈالے سرمئی آنکھوں میں کسی بھی قسم تاثر کے بغیر کھڑا وہ راہی تھا راہی مرزا بلوچ دس سال کا راہی لیکن اس کی شخصیت میں اس وقت بھی ایک رعب تھا

” میں یہیں تھا چھوٹی امی آپ کو کوئی کام تھا”

راہی نے آمنہ بیگم کو خاموش کھڑا پایا تو بولا اپنی باتوں اپنی عادتوں سے وہی کہیں سے بھی تو دس سالہ بچہ نہیں لگتا تھا

“ارے آج کے دن تم سے کیسا کام وہ تو بس تمہارے چاچو نے کہا کہ تمہیں اسٹیج پر لے آؤں تو اس لیے ڈھونڈ رہی تھی”

آمنہ بیگم نے مامتا بھرے لہجے میں کہتے ہوئے اس کی پیشانی چومی وہ آج بہت خوش تھیں آخر ہوتی بھی کیوں نہ آج ان کی اکلوتی بیٹی کی منگنی تھی وہ بھی ان کے جیٹھ کے اکلوتے بیٹے کے ساتھ بیشک انیس بلوچ جانتے تھے کہ ابھی پریشہ اور راہی بہت چھوٹے ہیں منگنی کے لیے لیکن پھر بھی وہ یہ تقریب رکھنا چاہتے تھے وہ چاہتے تھے کہ تمام گاؤں والوں اور خاندان والوں کو علم ہو جائے کہ پریشہ ان کے بھتیجے کی منگ ہے یہی وجہ تھی کہ انہوں نے منگنی کی تقریب اتنے بڑے پیمانے پر منعقد کروائی تھی

“آپ چلیں چھوٹی امی میں آتا ہوں”