Skip to content

Dastan siyah posh by Iqra Mirza Complete Novel

  • by

یہ کہانی سیاہ پوش کی ہے۔
یہ کہانی محبت کو پانے اور اسے چاہنے کی ہے۔
یہ تقدیر کے اس کھیل کی داستان ہے جہاں محبت سیاہی میں رقص کرتی ہے۔
یہ صبر کی، اللّہ کی رضا پر یقین رکھنے کی کہانی ہے۔
یہ ماضی کی سیاہی میں لپٹی ایک حقیقت ہے۔
یہ ایک پیادے کی کہانی ہے جس سے سب کھیل گئے۔
یہ یکطرفہ محبت کے اس دریا کی کہانی ہے جہاں دو روحیں ڈوب گئیں۔
یہ پیسے کے جنون کی کہانی ہے جو اپنوں سے دور اور ان کے خلاف لے جا سکتا ہے۔
یہ گلابی پھولوں کی خوشبو میں بسی ایک داستان ہے۔
یہ کچھ لوگوں کو پا کر، کچھ کو ہمیشہ کے لیے کھو دینے کی کہانی ہے۔
یہ صبر، برداشت اور خاموشی سے سہنے کی کہانی ہے۔
یہ اپنی خوشیوں کی قربانی دینے کی کہانی ہے۔
یہ جھوٹ اور سچ، اچھائی اور برائی، سازش اور محبت،
ملنے اور بچھڑنے، وفا اور بے وفائی،
اللّہ سے جُڑنے اور بدلے کی کہانی ہے۔

************

اقراء مرزا ایک ایسی لکھاری ہیں جو حقیقت کو خیالات میں بیان کرنے کا فن رکھتی ہیں۔ انہیں ناول پڑھنے کا بے حد شوق ہے، اور ان کی پسندیدہ مصنفات نمرہ احمد اور عمیرہ احمد ہیں۔ اگرچہ انہوں نے ان کا مطالعہ نہیں کیا، مگر ان کی تحریریں سن رکھی ہیں۔ بغیر کسی باضابطہ مطالعے کے ہی انہوں نے لکھنے کا آغاز کیا اور اپنی محنت سے ایک منفرد شناخت بنانے کی کوشش کی۔

“سیاہ پوش” اقراء مرزا کی پہلی تخلیق ہے، جس پر انہوں نے مکمل محنت اور لگن کے ساتھ کام کیا۔ ان کے کچھ عزیز دوستوں نے انہیں لکھنے کے سفر میں آگے بڑھنے کا حوصلہ دیا۔ اس کہانی میں انہوں نے محبت کو مختلف رنگوں میں پیش کرنے کی کوشش کی ہے۔

اقراء مرزا نے صرف اٹھارہ سال کی عمر میں لکھنا شروع کیا اور اپنی زندگی کا ایک قیمتی حصہ “سیاہ پوش” کو دیا۔ کہانی میں سسپینس اور رازوں کا امتزاج ہے، جو اسے مزید پُرکشش بناتا ہے۔ وہ امید کرتی ہیں کہ قارئین ان کا ساتھ دیں گے، “سیاہ پوش” میں پیش کی گئی محبت کو سمجھیں گے اور انہیں مزید لکھنے کی ترغیب دیں گے۔

جزاک اللہ!

Mojzat e kahf by Jaweria Binte Zubair Complete Novel

  • by

یہ ایک ایسے غیر مسلم جوان کی کہانی ہے جس کو اللّہ نے معجزہ دکھایا۔ میں جب بھی ٹائم ٹائم ٹریول کا لفظ پڑھتی یا سنتی تو میرے ذہن میں اصحاب کہف کاواقعہ آتا۔ اب اس کہانی میں ایک نوجوان ہے جس کے مطابق اس نے بھی ٹائم ٹریول ایکسپیرینس کیا ہے۔ اس کا کہنا ہے کہ اس نے بھی صدیوں کا سفر طے کیا ہے۔ کیا واقعی ایسا ہے؟ کیا یہ ممکن ہے؟ یہ جاننے کےلئے تو آپ کو پوری کہانی پڑھنی پڑے گی۔ ارے آپ تو پوری کہانی کا سنتے ہے بھاگنے لگے فکر نہ کریں یہ بہت مختصر سی کہانی ہے۔آپ کو بور نہیں کرے گی۔ تھوڑے الفاظ میں ساری بات مکمل کی ہے۔ پڑھیں سیکھیں مجھے دعاؤں میں یاد رکھیں خوش رہیں اور خوشیاں بانٹیں۔ جزاک اللّہ

Junoon ke rang by Dawood Faiz Complete Novel

  • by

“جنون کے رنگ” ایک ایسی کہانی ہے جو محبت، قربانی، دوستی اور خوابوں کی تکمیل کے ارد گرد گھومتی ہے۔ یہ ناول انسانی جذبات، زندگی کے نشیب و فراز، اور خوابوں کی تعبیر کے سفر کو بیان کرتا ہے۔

اس کہانی میں نہ صرف محبت کا فلسفہ پیش کیا گیا ہے بلکہ قربانی کی اہمیت اور دوستوں کے کردار کو بھی نمایاں کیا گیا ہے۔

یہ کہانی ان لوگوں کے لیے لکھی گئی ہے جو زندگی کی مشکلات سے لڑنے کا حوصلہ رکھتے ہیں اور ان کے لیے جو دوسروں کے خوابوں کو پورا کرنے میں اپنی خوشیوں کی قربانی دیتے ہیں۔ اس ناول کے کردار آپ کو زندگی کی حقیقتوں اور انسانی تعلقات کی گہرائیوں سے روشناس کروائیں گے۔

****************

Adhoora man by Mahnoor Rasheed Complete novel

  • by

عمریں گزر جاتی ہیں مگر من ادھورے رہتے ہیں۔

” غم ہلاک کر نے آجاتا ہے، اگر کبھی خوشیاں آبھی جائیں روشنی کے باوجود بھی اندھیرے ختم نہیں ہوتے ۔چند روزوصال کے بدلے صدیوں کا ہجر مل جاتا ہے ۔ تب چہرے نامکمل ہی رہتے ہیں۔ پھر خوشیاں بھی چہرے کے مسخ حصے کو واپس نہیں لا سکتیں ۔سب ادھورا رہ جاتا ہے۔ “وہ ویران آنکھیں پینٹنگ پر جمائے اس کی خدوخال بیان کر رہی تھی۔ جبکہ وہ پس پردہ ہر غم کا محرم تھا ۔

’’شاندار لڑکی۔ بائی دا وے۔ اس پینٹنگ کا ٹائٹل کیا ہے؟” اس لڑکی کا تجسس بڑھتا ہوا محسوس ہوا۔ مرحا نے پلٹ کر برف نظر ریحان پر ڈالی۔ وہ اب بھی نظر زیر کیے کٹہرے میں کھڑا تھا ۔

اب وہ لڑکی مرحا سے باتوں میں مصروف تھی۔ وہ اس سے پینٹنگ سے متعلق گفتگو کر رہی تھی۔ اس تصویر میں وہ لڑکی کتنی ادھوری اور کتنی نامکمل لگ رہی تھی۔ اس کے چہرے سے کتنی مایوسی اور دکھ جھلک رہا تھا۔ کتنی نامکمل تھی وہ تصویر۔ مگر اس کے اس آدھے چہرے سے سب مکمل طور پر عیاں تھا۔اس نے غور سے دیکھا تھا، تو تصویر کے نیچے چند الفاظ نے اس کی توجہ اپنی جانب کھینچی تھی۔

’’پتھروں تلے پسا کانچ سا من ‘‘وہ چونک کر اسے دیکھ رہا تھا۔

Aena e Zindagi by Momina Zuhiar Complete Novel

  • by

آئینہ زندگی “ایک دلکش کہانی ہے جو ایک مضبوط ، پرعزم اور باہمت عورت کے گرد گھومتی ہے ،جو زندگی کے تلخ حقائق اور مشکلات کا سامنا کرتے ہوئے اپنی شناخت تلاش کرتی ہے ۔ یہ کہانی محبت،قربانی،اور خود شناسی کے سفر کی عکاسی کرتی ہے،جہاں کرداروں کی گہرائی اور ان کے جزبات قاری کو اپنی گرفت میں لے لیتے ہیں ۔

Instagram ID (with same spellings):_momina.zuhair_

Dilon ka mail by Bint e Javaid Complete Novel

  • by

“دلوں کا میل” ایک جذباتی کہانی ہے جو محبت، قربانی، اور اندرونی کشمکش کے پیچیدہ رشتوں کو بیان کرتی ہے۔ یہ کہانی ایال اور عیشان کے گرد گھومتی ہے، جن کی زندگی کے راستے مختلف ہیں لیکن تقدیر انہیں ایک دوسرے سے جوڑ دیتی ہے۔

ایال، ایک پُرامید اور خوابوں سے بھرپور لڑکی، جس کی زندگی خوشیوں سے جُڑی ہے، مگر اندرونی طور پر وہ اپنے وجود کے گہرے سوالات کا جواب تلاش کر رہی ہے۔ عیشان، ایک ایسا شخص جس کی شخصیت بظاہر مضبوط اور پرسکون دکھائی دیتی ہے، لیکن اس کے دل کے اندر ماضی کے دکھ اور تلخ حقیقتوں کا بوجھ چھپا ہوا ہے۔

کیا جو اللہ کے لیے چھوڑا جائے، وہ کبھی لوٹ آتا ہے؟

کیا جو رب کے خوف سے قربان کیا جائے، وہ پھر نصیب بن سکتا ہے؟

کیا خاندانی مسائل اتنے گہرے زخم دے سکتے ہیں کہ انسان خود کو ہی کھو بیٹھے؟

کیا حق کی راہ واقعی اتنی کٹھن ہوتی ہے کہ ہر قدم ایک نئی آزمائش بن جائے؟

یہ سوالات ایال اور عیشان کی کہانی کی بنیاد ہیں—ایک ایسی کہانی جو قربانی، محبت، اور ایمان کی آزمائشوں سے لبریز ہے۔ ایال کے خواب اور عیشان کے اصول، ان کے درمیان ایک ایسا فاصلہ پیدا کر دیتے ہیں جہاں صرف اللہ کی رضا کا نور ہی رہنمائی کر سکتا ہے۔ لیکن کیا وہ اپنے خوابوں اور خواہشات کو پسِ پشت ڈال کر اس روشنی تک پہنچ پائیں گے؟

یہ کہانی آپ کے دل کو چھو لے گی اور آپ کو یہ سوچنے پر مجبور کرے گی کہ کیا حق کی راہ پر چلنے والوں کو ان کی منزل واقعی ملتی ہے؟

Salsbeel complete by Nayab jellani Complete Novel

  • by

کہانی کا خلاصہ.. A۔J
سلسبیل جو بہت خوبصورت لڑکی ہے،جرمنی میں اپنے دادا دادی اور باپ کے ساتھ رہتی ہے۔دادی بیكری چلاتی ہیں اور گاؤں میں یہ لوگ جانور بھی پالتے ہیں۔س کا ایک بھائی ڈینی ہے اور دوست ڈی سوزا جس کی ماں نے اس کے باپ کے ساتھ بے وفائی کی تھی۔

سلسلبیل کی ماں وفات پا گئی تھی تو دوسری شادی باپ نے کی اور سوتیلی ماں کا رویہ اس کے ساتھ بہتر نہیں جس کا باپ روبرو اور بھائی روسی اکثر ان کے گھر ملنے آتے ہیں اور ان کا آنا دادا دادی کو پسند نہیں۔

ہیرو ہشام بھی جرمنی میں ڈاکٹر ہے جو سلسبیل کو پسند کرتا ہے جس کی ماں شراب نوشی کرتی ہے اور مر جاتی ہے۔

ہشام کی سوتیلی ماں پاکستان میں ہیں جو نرجس بیگم ہیں اور پیار سے انھیں جی جی کہتے ہیں جو اس سے بہت محبت کرتی ہیں اور کافی سالوں سے منتظر ہیں کہ سوتیلہ بیٹا پاکستان آجاۓ اور جائیداد اس کے حوالے کردیں وہیں وہ شافیہ کی شادی ہشام سے کرانا چاہتی ہیں۔

شافیہ نرجس یعنی جی جی کے محلے میں اپنی سوتیلی ماں اور سوتیلی بہن عرشیہ کے ساتھ رہتی ہے جن کا رویہ شافیہ کے ساتھ اچھا نہیں اور اس کی جی جی سے بہت بنتی ہے اور یہ بھی ہشام کو پسند کرتی ہے اور اس کے آنے کی منتظر ہے۔

اسی گلی میں غوثیہ اپنے بیٹے شاہ ویز کے ساتھ رہتی ہیں جو شافیہ کو پسند کرتا ہے اور ان کے پانچ بہن بھائی ہیں جن کے والدین نہیں ہیں۔یعنی خداداد بڑا بھائی ہے جو سب بہن بھائیوں کو والدین کی طرح کیئر کرتا ہے شایان،داؤد،سلیم اور ایک بہن سنہرے گھر کے فرد ہیں۔

سنہرے کی شافیہ سے دوستی ہے شافیہ کی ماں سمیرا چاہتی ہیں کہ عرشیہ کی شادی خدا داد سے ہوجاۓ۔

خطیب فلسطینی ہے جس کاسارا خاندان شہید ہوگیا اور اب یہ جرمنی آگیا ہے اور ہشام سے اس کی دوستی ہے وہیں کالج میں وہ سلسبیل اور ڈی سوزا سے بھی ملتا ہے۔خدا داد جو سلسبیل کو پسند کرتا ہے یہ اپنی فیملی کے ساتھ جرمنی شفٹ ہوجاتا ہے جس کی دوستی ہشام اور خطیب سے ہوجاتی ہے کہ ایک ہی کالج میں پڑھ رہے تھے۔

ہشام کی سگی ماں نشے کی وجہ سے مر جاتی ہے تو وہ پاکستان جاتا ہے اور نرجس بیگم کی خواہش کو پورا کر کے شافیہ سے نکاح کرتا ہے .

سلسبیل کی سوٹیلی ماں بھی اس کے باپ سے بے وفائی کر کے بھاگ جاتی ہے اور ایک رات کے اندیهرے میں کوئی آ کر سلسبیل کے ساتھ زیادتی کرتا ہے وہ سمجھتی ہے یہ روبرو ہے جو اس کی سوتیلی ماں کا شوہر ہے۔

ہشام شافیہ کو بتا دیتا ہے کہ وہ سلسبیل کو پسند کرتا ہے اور اس سے شادی کر کے اسے سہارہ دے گا۔

باقی کہانی میں پڑھیں کہ

سلسبیل کا مجرم کون ہے؟
کیا شافیہ ہشام کے ساتھ رہے گی؟
ہشام کا راز بھی ہے وہ کیا ہے؟

بہت زیادہ فلاسفی سے بھرپور کہانی ہے جس میں رائیٹر نے بہت منفرد انداز میں ناول لکھا ہے جسے سمجھنا کچھ مشکل ہے مگر رائیٹر کی علمی قابلیت قابل تعریف ہے۔