Ajnabi si zindagi by Eman Babar Complete novel
“محبت محبت محبت …..” اسٹڈی ٹیبل پر بیٹھی قلم ہاتھوں میں گھماتی وہ مسلسل اس لفظ کی گردان کر رہی تھی۔
بھوری آنکھوں میں حد درجہ کی سنجیدگی اور اُلجھن تھی۔ اپنے کالے بالوں کو جوڑے میں باندھے جس سے اگے کے کچھ بال لٹوں کی صورت میں چہرے پر آرہے تھے۔ وہ اُن کو غصے سے پیچھے کرتی تقریباً چیڑ سی گئی تھی ۔
“بھاڑ میں جاؤ ۔۔۔” غصے سے ڈائری بند کرتی وہ اُٹھ کھڑی ہوئی ۔ آپ اُس میں اور ہمت نہیں تھی ۔ ایسا اُس کے ساتھ تقریباً دو مہینے سے ہورہا تھا ۔
“مجھے لگتا میں کبھی رائٹر تھی ہی نہیں افف ۔۔۔” بالوں کو آزاد کرتی وہ ڈریسنگ ٹیبل کی طرف گی ۔ اُس کے بال زیادہ لمبے نہیں تھے بس کندھے تک ہی آتے تھے ۔ بال اب بکھر کر کندھوں تک اگئے تھے۔اُس کے بال نہ بلکل سیدھے تھے نہ ہی کرل ۔ وہ حد درجہ کہ سلکی مگر کناروں سے کرل تھے ۔
دونوں ہاتھوں کو چہرے پر رگڑتی وہ اب چارجنگ پر لگا اپنا موبائل دیکھ رہی تھی ۔
“محبت…” وہ ہلکا سا بولی ۔
